"Մամա”. այսպես է կոչվում այն երգը, որի հիման վրա նկարահանված
տեսահոլովակը Արամեն շուտով կներկայացնի հանրության ուշադրությանը: "Շատ
ուրախ եմ, որ երգն այդքան սիրվեց”,-նշել է նա:
Երգչի պրոդյուսեր Արտյոմ Հակոբյանը BRAVO.am–ի հետ զրույցում ասել է, որ
երգն ի սկզբանե ստեղծվել է որպես "Մամա” հեռուստասերիալի սաունդթրեք. "Դրա
կարճ տարբերակն արդեն վաղուց եթեր է հեռարձակվում, իսկ ամբողջականը
հնարավոր կլինի ունկնդրել հունիսի 7-ից, իսկ օրեր անց էլ կկայանա
տեսահոլովակի պրեմիերան”:
"Մամա”-ի երաժշտությունը գրել է Ռիչարդ Մադլենյանը, խոսքերը` Արթուր
Սաֆարյանը: Այս երգի հիման վրա նկարահանված տեսահոլովակի ռեժիսորը Սյոմա
Կոդաբաշյանն է, որը ժամանակին հեղինակել է Արամեի բազմաթիվ տեսահոլովակներ:
Հենց այս պահին Սյոմա Կոդաբաշյանը զբաղված է տեսահոլովակի
մոնտաժային աշխատանքներով, այս պատճառով էլ նրա հետ հարցազրույցը մեր
ընթերցողների ուշադրությանը կներկայացնենք ավելի ուշ:)
|