Արամեն իր ծննդյան 30-ամյակը, ինչպես արդեն պատմել ենք, երեկ նշանավորել է նաեւ սեփական կարաոկե-ակումբի բացման արարողությամբ: Երկու առիթով երգչին շնորհավորել են երկրպագուները, ընկերները, կոլեգաներն ու, իհարկե, սիրելին: Աննա Թովմասյանը BRAVO.am-ին պատմել է, թե ինչ է նվիրել ընտրյալին ծննդյան տարեդարձի կապակցությամբ, նաեւ պարզաբանել է, թե ինչու է հետաձգվում իրենց պսակադրությունը: 
"Ուղիղ կեսգիշերին հենց ակումբում մոմերով տորթ բերեցինք եւ միայն մտերիմ մարդկանցով առաջինը շնորհավորեցինք: Իմանալով Արամի ճաշակը` նվիրել եմ կաշվե փոքր պայուսակ ու մեկ զույգ կոշիկ: Ես նախօրոք գնել էի, որ տարեդարձին նվիրեմ, բայց տվեցի, որ փորձի եւ, բնականաբար, ոտքին փոքր եղան: Շատ դժվար է իր հագով կոշիկ գտնել… Փորձելիս ասաց` "կյանքս, ես քո խաթր կոշիկները կհագնեմ”:)”,- նշել է Աննան: 
Աղջիկն իր սիրելիին մաղթում է առողջություն եւ ուզում` գեղեցիկ կերպով օրինականացնեն հարաբերությունները. "Մնացած ամեն ինչ ձեռքբերովի է: Իր եռանդով ու աշխատասիրությամբ կկարողանա հասնել ավելիին: Ուզում եմ միշտ կողքիս լինի. դեռ անցյալ տարի ուզում էինք ամուսնանալ, բայց հետաձգեցինք այս տարի, հետո էլ մի քանի ամիս շարունակ զբաղվում էինք ակումբի հարցերով: Դեռ ժամանակը չի հասունացել, ուզում ենք ամեն ինչ սիրուն անել եւ չենք շտապում”:
|