Երբ տեղեկացա, որ արդեն սկսվել են <<Արամե>> կարաոկե-ակումբի շինարարությունները, ամենուր սկսեցի փնտրել վայրը, քանզի մեր երգիչն այն մեզնից գաղտնի էր պահում:
Անտարբեր չէի կարող անցնել և ոչ մի կիսակառույց շինության մոտով, երբ հանկարծ փողոցներից մեկում նկատում էի, որ շինարարություն էր ընթանւմ, անմիջապես երթուղին կանգնեցնում էի և տրամաբանորեն փորձում էի հասկանալ, թե արդյոք ինչ կարող է այդ շինությունը դառնալ:
Հերթական երկուշաբթին էր, դասից ուշանում էի, այդ օրը նույնիսկ կիսակառույց շինությունների նկատմամբ էի անտարբեր, երբ Շրջանայինում <<Մոցարդ>> կարաոկեի մոտով շտապում էի դեպի կանգառ, բայց հանկարծ լսեցի Արամեի անունը, սկսեցի դանդաղ քայլել, գլուխս աջ թեքելով՝ նկատեցի մի դատարկ շենք, որի փոքրիկ մուտքից երևում էր, թե ինչպես են մարդիկ աշխատում: Մի քանի օր անընդմեջ այցելում էի վերոհիշյալ վայրը, չնայած դեռ երկմտում էի. << Արդյ՞ք ես ճիշտ վայրում եմ>>: Կասկածներս փարատվեցին, երբ օրեր անց շաբաթաթերթերից մեկում կարդացի իսկական վայրը, այո՛, ես չէի սխալվել, փաստորեն այսքան ժամանակ ես հետևու էի <<Արամե>> կարաոկե-ակումբի ծնունդին:
Ամենօրյա այցելությունների հետ մեկտեղ, նկարում էի ակումբի արտաքին յուրաքանչյուր փոփոխությունը, պատրաստվում էի տեսանյութ նկարել, ցավոք, նկարներս մնացին նախկին տեսախցիկիս մեջ, ինչևէ, իմ բլոգում և առաջին անգամ համացանցում տեղադրվում է Արամեի կարաոկե-ակումբի նկարները:
Հ. Գ.
Արդեն վստահ կարող եմ ասել, որ Հայաստանի թիվ 1 ժամանցային կենտրոնն արդեն պատրաստ է, կատարվեց Արամեի և Արամեի բոլոր երկրպագուների երազանքը: Շնորհավորում եմ Արամեին և շնորհակալություն եմ հայտնում նման անակնկալ մատուցելու համար:
